| Comeza unha nova tempada de Plástico Elástico |
 |
 |
 |
| Thursday, 07 April 2011 09:56 |
Hoxe comeza a emisión dunha nova tempada do programa de radio Plástico Elástico.
Plástico Elástico e un programa da Radio Kalimera de Santiago que tamén se emite en Radiopai tódolos Xoves ás 23h e repítese os domingos a mesma hora. É un programa de radio especializado en música underground feita en Galicia. Novidades discográficas, entrevistas, sorteos e axenda de concertos semanal. En Plástico Elástico soan grupos galegos e bandas que visitan Galicia.
Esta semana en Plástico Elástico recibimos a visita dos compostelanos Novedades Carminha e Los Chavales (na foto). Ambas bandas pasáronse polo noso programa para presentarnos os seus máis recentes traballos discográficos e regaláronnos tres temas en formáto acústico interpretados en directo desde o noso estudio de Compostela. Temas que presentarán o vindeiro mércores 13 de Abril na Sala Capitol de Compostela.
Regalamos entradas para este evento e tamén para o concerto que Sex Museum e Samesugas ofrecerán o 28 de Abril na Sala Nasa de Compostela. Para participar nos sorteos envíanos un correo respondendo correctamente ás preguntas formuladas nesta edición. Recomendamos os concertos que ofrecerán estas semanas por Galicia grupos coma: El Columpio Asesino, Josele Santiago, Pedrito Diablo & Los Cadáveras, Los Hound Dogs, Lou Reyes & Los Astros e Los Lombardi. Adiantamos os novos discos de Santos Morcegos e Di Elas e pechamos a edición cos coruñeses Combo Dinamo que visitarán Plástico Elástico a vindeira semana para presentarnos o seu novo disco "Quieto, Muere, Resucita!!!". Nesta edicion soaron: Novedades Carminha, Los Chavales, El Columpio Asesino, Josele Santiago, Pedrito Diablo & Los Cadáveras, Los Hound Dogs, Lou Reyes & Los Astros, Los Lombardi, Sex Museum, Samesugas, Santos Morcegos, Di Elas e Combo Dinamo. Plástico Elástico |
Acceso
Related
Copyright ©2008 -2009 PAI Música Edicións
